Balay sang OFW sa Oton ginkawatan; House boy person of interest sang kapulisan

ILOILO — Nag-report sa pulis ang OFW nga si alyas Leo, 74-anyos, makaligad natukiban nga na ang P250,000 niya nga kwarta, relo kag sapatos sa sulod sang iya balay sa Brgy. Poblacion South, Oton las-7:40 kahapon sang aga, Enero 3

Suno kay PLT Colonel Abner Jordan, hepe sang Oton Municipal Police Station, nagpauli kahapon halin sa abroad ang biktima kag didto natukiban nga wala na ang iya kwarta sa sulod sang iya cabinet kag iban pa niya nga kagamitan

Dugang ni PLTCOL Jordan, person of interest sang kapulisan ang houseboy sang biktima nga si alyas Ace nga nagagamit sang lain-lain nga pangalan kag lugar nga iya ginapulian base sa iya biodata. Gin-hire si Ace sa online kag stay-in sa balay sang biktima.

Wala na nagbalik ang houseboy nga naglisensya nga mapauli sang Disyembre 28 kag gin-block pa sa Facebook kag Messenger ang iya amo suno sa pulis.

Padayon ang hot pursuit operation sang kapulisan batuk sa suspetsado. — ARI Trainee reporter Ivan Villa