Awto nag-awas sa dalan sa Janiuay
ILOILO — Nagdiretso sa higad sang dalan ang awto sa Brgy. Armada, Janiuay pasado las-10 kahapon sang aga, Enero 5.
Suno kay Police Staff Sergeant Glen Rapita, imbestigador sang Janiuay Municipal Police Station, masimba kuntani ang babaye nga driver sang awto sa Brgy. Jibolo, Lambunao.
Halin sa garahe sa tabok sang iya balay sa Brgy. Armada ang driver nga paliko na kuntani sa tuo nga porsyon sang dalan.
Sa pagpangusisa sang police, nagdulog ang driver tungod may nagapadulong nga motor kag salakyan kag aksidente nga nalapakan ang gasolinador imbes nga ang preno.
May porsyon sang balay nga na-damage sa aksidente pero na-areglo na tungod pamilya sang driver sang salakyan.
May damage sa bumper kag iban pa nga porsyon sang salakyan.
Wala sang napilasan sa aksidente suno sa police. — Aksyon Paula Elambayo
