Granada nakit-an sa talamnan sa Ajuy

ILOILO — Nakit-an sang 50-anyos nga lalaki ang granada nga naputos sa tela sa talamnan sa Sitio Palatac Brgy. Pili, Ajuy sang Enero 4.

Suno kay Police Lieutenant John Michael Dalipe, officer-in-charge sang Ajuy Municipal Police Station, nagapanghilamon ang 50-anyos nga lalaki sang nakit-an ang granada nga naputos sa tela.

Ginpahayag sang police nga kaina sang udto lang na-report nga may nakit-an nga granada tungod may ginsugiran ang nakakita nga amo ang nagpanugid sa police.

Gilayon nagtawag ang Ajuy police sa taga-Explosives and Ordnance Division sang Iloilo Police Provincial Office para sa proper disposition sang granada. — Aksyon Paula Elambayo