Election Gun Ban ipatuman sang ICPO umpisa Enero 12 tubtob Hunyo 11
Mapatuman ang Iloilo City Police Office (ICPO) sang gun ban halin Enero 12 tubtob Hunyo 11, 2025.
May kaangtanan ini sa mandu sang Commission on Elections (COMELEC), suno kay Iloilo City Mayor Jerry Treñas.
Ginpahayag sang alkalde nga kinahanglan ang amo nga tikang, kadungan sang Dinagyang Festival 2025 sa pagpabilin sang kalinong kag katawhay sang kahiwatan.
“As Dinagyang draws thousands of devotees and tourists to our city, we must ensure everyone’s safety. The gun ban strictly prohibits the carrying, bearing, or transporting of firearms and other deadly weapons, with violators facing severe penalties, including imprisonment, disqualification from public office, and deportation for foreigners,” dugang niya.
Ginahaylo sang alkalde ang mga Ilonggos kag mga bisita nga suportahan ang ICPO kag ang pagpanikasog sang kapulisan sa pagpatuman sang gun ban kag pagprotektar sang mga mapadulong sa festival.
“Dinagyang is not just a celebration; it is a reflection of our faith and resilience. Let us make this year’s festival safe, vibrant, and meaningful for everyone,” pahayag pa sang alkalde.
