Isa sa 2 ka original markers sang Arroyo Fountain nadula kag ginapatihan ginkawat suno sa Iloilo Prov’l Gov’t

Gin-abisuhan sang Iloilo Provincial Government ang publiko nga nadula ang isa sa duha ka mga original markers sang Arroyo Fountain kag ginapatihan nga ini ang ginkawat.

Ang Arroyo Fountain gindeklarar nga Important Cultural Property sang National Museum bilang kabahin sang Casa Real complex.

Ang nasambit nga markers importante nga components sang nasambit nga struktura.

Ginpahayag sang provincial government nga ang pagkuha ukon pagbakal sang kinawatan nga items makabig nga illegal kag paglapas sa Anti-Fencing Law.

Nagapanawagan ang provincial government sa sin-o man nga gintanyagan nga magbakal sang nadula nga marker nga indi ini pagbaklon kag i-report gilayon sa pulis.

“If anyone is approached with an offer to purchase the missing marker, they are strongly urged to refuse and report the matter immediately to the police,” porsyon sang post sang provincial government. — Balita Halin sa Kapitolyo