Panday patay sang gintiro sa Tigbauan

ILOILO — Dead-on-arrival sa ospital ang lalaki sang gintiro sa Barangay Barroc, Tigbauan kagab-I, Enero 8.

May pilas sa tiyan ang biktima nga ginkilala kay Nestor Templo, pangayaw lang sa amo nga barangay.

Nagpalagyo pa ang suspek nga ginkilala Roque Toroy pero nadakpan sa follow-up operation sang kapulisan.

Gindepensahan lang sang suspect nga nagtiro sa 48-anyos nga panday.

Suno kay Toroy, ginhanaan siya nga labuon sang binangon sang biktima nga si Templo gani iya gintiro.

Ginapanindugan ang suspek nga self defense lang ang iya ginhimo.

Dugang ni Toroy, wala siya sang plano nga magpalagyo kag nag-surrender siya sa police.

Ginhaboy naman niya sa gintabuan sang insidente ang pusil pero wala sang na-recover ang police.

Samtang, suno naman kay Ruselo Pesado, bayaw ni Toroy, antes ang komosyon, gintuk-apan siya sang biktima sa tiyangge sa diin sila naga-inom sang iya mga abyan.

Nakibot lang siya nga gintuk-apan siya sang suspek tungod wala man sila sang may gin-awayan.

Gindul-ong si Templo sang iya manghod pauli sa ila balay tungod sa natabo pero nagbalik.

Samtang papauli ang magbayaw, nasumalang nila si Templo kag ginhampak sang binangon si Pesado nga nakaagum sang lagub sa siko.

Makapila ka beses nga ginlabu ni Templo si Pesado pero wala na-igo.

Nakita ini ni Toroy gani nagpauli para kuhaon ang iya de dose nga pusil.

Pagbalik niya nagsinggit siya nga indi lang pagpatyon ang iya bayaw.

Nagsabat naman si Templo nga patyon niya si Pesado kag natabo na ang pagtiro.

Gin-athag ni Pesado nga wala sila sang daan nga hiligut-anon ni Templo pero sa iya pagkahibalo nakaagi preso si Templo tungod may napatay.

May pilas sa tiyan ang biktima nga amo ang gintunaan sang iya kamatayon.

Nagpalagyo pa si Toroy pero nadakpan sa follow-up operation sang kapulisan.

Gintiro sang suspek ang biktima sang nagsumalangay sila sa karsada. — Aksyon Maria Kayla Tingzon