P2.8 million nga balor sang suspected shabu na-recover sa drug buy bust sa Barotac Viejo

ILOILO — Masobra P2.8 million nga balor sang suspected shabu ang na-recover sa drug buy bust operation sa Barangay Santiago, Barotac Viejo las-5:45 kahapon sang hapon, Enero 11.

Suno kay Police Major Dadje Delima, chief sang Provincial Drug Enforcement Unit, sa Sigma, Capiz gina-pick up sang subject nga si alyas Totong, residente sang amo nga barangay, ang supply sang illegal nga druga nga sa New Bilibid Prison sa Manila ang source.

Dugang ni Delima, sa Iloilo City, Aklan kag Estancia pa kuntani i-distribute sang subject ang illegal nga druga pero ila na nga nadakpan.

Nakuha sa subject ang isa ka sachet kag pulo ka dalagko nga pinutos sang suspected shabu nga ginabanta nagabug-at sang 415grams nga may estimated value P2,822,000. — Aksyon Maria Kayla Tingzon