Lisensiya sang driver sang private car nga nag-arado sang mga flower pots sa Diversion Road, Mandurriao gin-revoke sang LTO 6
ILOILO CITY — Gin-revoke sang Land Transportation Office 6 ang lisensya sang 54-anyos nga driver sang private car nga nag-arado sa mga flower pots sa atubang sang SM City Iloilo sa Mandurriao sang Disyembre 27, 2024 sang gab-i.
Ginkumpirmar ni LTO 6 Director Gaudioso Geduspan nga gin-aprubahan niya ang rekomendasyon sang legal department sang ahensya makaligad nakasumiter sang sabat sa show-cause order ang driver.
Suno kay Geduspan, nagpangayo sang pasensya ang driver sa natabo kag gin-ako nga naka-inom sang makahulubog nga ilimnon.
Una na ginpahayag ni Geduspan nga nagapati siya nga hungod nga gin-arado sang driver ang mga masitera base sa nakita nga video.
May posibilidad nga madamo ang nasalakay sang salakyan kun naglapaw ini sa flower pots barrier ilabe na nga masaku ang amo nga lugar.
