Congw Julienne Baronda imbitado sa highlights sang Dinagyang Festival 2025

ILOILO CITY—Imbitado si Iloilo lone district Representative Julienne Baronda sa highlights sang Dinagyang Festival sa Enero 26.

Suno kay Mayor Jerry Treñas, bukas para sa tanan ang kapistahan ilabe pa nga ang Dinagyang Festival isa ka religious event.

Ginpabutyag sang alkalde nga indi niya luyag nga ma-eksperiyensyahan sang bisan sin-o ang iya naagyan sang wala siya gin-imbitar sang Dinagyang Festival Foundation, Inc., sang siya Congressman pa sang siyudad.

Imbitado ang tanan, dugang pa sang alkalde.

Samtang, amat-amat naman nga nagapalab-ut sang ila nga kompirmasyon ang pila sa mga gin-imbitar sang siyudad nga mga higher officials lakip ang Presidente, iya mga gabinete, kag First Lady, lakip man ang Bise Presidente. — Aksyon Marvin Malificiar