Drug-free Dinagyang Festival target sang ICPO

        Target sang Iloilo City Police Office ang drug-free Dinagyang Festival subong nga tuig gani sige-sige ang pag-conduct sang kapulisan sang anti-illegal drug operations sa siyudad.

Pinakaulihi nga drug buy bust operation ang natabo sa Balabago, Jaro sang Huwebes, Enero 16 nga naka-recover sang masobra four million pesos nga balor sang suspected shabu kag nagresulta sa shootout sa tunga sang subject kag operatiba sang City Drug Enforcement Unit (CDEU).

Ginpahayag ni Police Major Shella Mae Sangrines, spokesperson sang ICPO, nga may mandu si Colonel Kim Legada, ICPO director, sa kapulisan nga iprayoridad ang kampanya kontra illegal nga druga ilabe na nga nagahilapit ang highlights sang Dinagyang Festival.

Nagapanawagan man siya sa mga pumuluyo nga magbulig sa kampanya paagi sa pag-monitor kag pag-report sang kapulisan kun may na-monitor nga makaduluda nga indibidwal sa ila barangay.