3 ka Indian nationals suspek sa pagpatay kay Pastor Douglas Jover sa Pavia
ILOILO — Ginkumpirmar ni Police Lieutenant Gabriel Manguera, deputy chief sang Pavia Municipal Police Station, nga Indian nationals ang tatlo ka mga suspetsado sa pagpatay kay Pastor Douglas Jover sa sulod sang iya salakyan sa Brgy. Anilao, Pavia sang Enero 10.
Suno kay Manguera, gintumod ang mga Indian nationals sang duha ka mga testigo nga nagpadulong sa Pavia Police Station agud magtuad sang ila nahibaluan sa krimen kag base man sa CCTV footages nga natipon sang kapulisan.
Wala pa ginbuyagyag ni Manguera ang identity sang tatlo ka mga suspetsado. Base sa pagpangusisa sang Pavia police, expired na ang visa sang tatlo.
Una na nga ginpahayag ni Manguera nga utang ang nagapanguna ang motibo sa pagpatay kay Jover.
Ginaprepar na sang police ang kaso nga murder nga ipasaka batok sa mga suspects. — Aksyon Maria Kayla Tingzon
