Binanog Festival sang Lambunao mangin guest performer sa Kasadyahan sa Kabanwahanan

Mapasundayag ang Binanog Festival sang Lambunao sa Kasadyahan sa Kabanwahanan bilang non-competing tribe.

Igarepresentar ang Binanog Festival sang Tribu Irigay sang Binabaan Elementary School nga overall champion sa Saot ka Banog Interpretative Dance Competition sa 23rd Binanog Festival.

Ipakita sang Binanog Festival ang kultura sang Panay Bukidnon.

Siyam ka festivals ang mapasakop sa Kasadyahan sa Kabanwahanan nga natalana sa Sabado, Enero 25, la-una sa hapon.

Ang Iloilo provincial government ang nag-organisar sang Kasadyahan sa Kabanwahanan sa ikaduha na nga tuig. — Balita halin sa Kapitolyo