Honest taxi driver nga nag-turnover sang bag sang iya pasahero nga may unod nga P2.4M gindeklarar nga “adopted son” sang Iloilo City

ILOILO CITY—Gindeklarar ni Iloilo City Mayor Jerry Treñas nga ‘Adopted Son’ sang Iloilo City ang taxi driver sang AA Marie Taxi nga si Anthony Aguirre.

Sa Executiver Order no. 012 ginkilala sang alkalde ang maayo niya nga binuhatan sang gin-turnover sa Iloilo City Police Station 8 ang nabilin nga bag sang iya nga pasahero nga may unod nga P2.4 million sang Enero 17.

Nakabaton man sang P20,000 cash reward si Aguirre halin sa Iloilo City Government.

Si Aguirre ang residente sang Amparo, Pavia. — Aksyon Marvin Malificiar