Iloilo Sunset Boulevard lubos na nga ginbuksan

ILOILO — Ginbuksan na ang Iloilo River North Bank Road ukon ang ginatawag nga Iloilo Sunset Boulevard nga nagakonekta sang dalan halin sa Tabucan, Mandurriao tubtob sa Cagbang, Oton.

Ginpangunahan ni former Senator Franklin Drilon ang programa, nga amo ang nagpa-in sang P2.261 billion nga pondo para sa pag-construct sang eco-friendly nga dalan nga may bike lanes, viewing decks, walkway esplanade, kag may na-install nga solar LED lights.

Ang Iloilo Sunset Boulevard ginalantaw nga makapahagan-hagan sang traffic congestion kun rush hour ilabe na sang mga salakyan nga nagapasulod sa siyudad halin sa first district sa probinsya sang Iloilo.       

Sa mensahe sang anay Senador, iya ginpabutyag nga sa pagbukas sang Iloilo Sunset Boulevard, ma-amat-amat man ang paghimo sini nga commercial complex agud makahatag sang madamo nga trabaho sa mga Ilonggos