3 ka distrito sa Iloilo City masami ginakadtuan sang lalaki nga nasapwan ginsulod sa sako sa Parola Wharf
Nasugid sang pamilya sa pulis nga masami nagakadto sa tatlo ka distrito sa Iloilo City ang lalaki nga ginsulod sa sako kag nasapwan sa Parola Wharf sang Enero 26 sang aga.
Ini nga mga distrito amo ang Arevalo, Mandurriao kag City Proper.
Suno kay Police Lieutenant Romel Tabuyoc, may mga pangalan nga ginsugid ang iya live-in partner nga masami niya ginakadtuan sa syudad apang indi kumpleto kag padayon pa nga ginapangita sang kapulisan.
Ginpahayag pa niya nga semanal ang iya pagbisita sa mga kakilala sa siyudad.
Ginbuyagyag man sang police nga sa ila inisyal nga imbestigasyon nagatenir ang mga abyan sang lalaki sa tatlo ka mga distrito.
Nagapati si Tabuyoc nga daku nga lead ang mga impormasyon nga ginhatag sang live-in partner kag pamilya sang lalaki sa pagsolbar sang kaso.
Sa subong, illegal drugs sa gihapon ang ginasundan nga angulo sang Iloilo City Police Station 1 sa pagpatay sa lalaki.
May mga monitoring man ang police nga liwat naga-engage sa illegal drugs ang biktima. — Aksyon Cedrick Anona
