4 ka mga salakyan nagkarambola sa Quintin Salas, Jaro

Nagkarambola ang apat ka mga salakyan sa Quintin Salas, Jaro kahapon, Enero 28.

Sa impormasyon sang Aksyon Radyo Iloilo News team, halin sa syudad ang pick up kag padulong sa Leganes ang direksyon sang nadulaan sang kontrol sa manibela ang driver, naglapaw sa pihak nga lane kag nakabunggo sa awto nga nagapadulong sa Jaro.

Tungod sa impact, nagbalabag sa dalan ang awto.

Pagkatapos sang natabo, nakabunggo pa gid sa pick up ang Toyota Avanza nga nagasunod sa awto. Na-alang-alang pa gid ang Ford nga nagasunod sa Avanza gani nakabunggo sa nagbalabag nga awto.

Gin-imbestigaran pa sang kapulisan ang insidente.

Ginbulong ang driver sang pick-up nga napilasan sa kamot samtang gindala sa ospital ang driver sang awto tungod naglain ang pamatyag. — Aksyon Marvin Malificiar