HeadlineLokal

Iloilo Sunset Boulevard wala pa sang maintenance fund rason nga partial turnover sang proyekto sa Iloilo City government

ILOILO CITY—Wala sang maintenance funds ang bag-o ginbuksan nga Iloilo Sunset Boulevard nga nagakonekta sang Tabucan, Mandurriao kag Cagbang, Oton rason nga wala sang nagamentinar sang katinlo kag kalinong sa lugar subong.

Suno kay Department of Public Works and Highways (DPWH) 6 Director Sanny Boy Oropel, mas maayo nga i-partial turnover sa Iloilo City government ang proyekto agud mapasaran sang resolusyon nga mapasiguro ang kalinong sa lugar kag mapabilin nga malimpyo kag matahum ang palibot.

Pabor man si Dir. Oropel sa ginhingyo sang city government nga magpahamtang sang police kag traffic aide sa lugar agud may magbantay sa mga nagalagaw ukon nagalabay nga mga motorista.

Sa subong wala pa nahuman ang proyekto tungod ginakay-o pa ang dalan sa parte sang Oton, kag may tatlo pa ka mga viewing decks nga wala nahuman.

Wala pa mahibaluan kun paano himuon ang full turnover sang proyekto sa tunga sang city government kag Oton LGU, suno kay Dir. Oropel.

Buwas mapadulong sa city hall si Dir. Oropel agud makigkita kay Mayor Jerry Treñas para sa partial turnover sang proyekto. — Aksyon Marvin Malificiar

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply