Masobra tunga sa million nga balor sang suspected shabu na-recover sa drug buy bust operation sa Jaro; Isa sa mga subjects bata sang Barangay Kagawad
ILOILO CITY — Naglab-ot sa P544,000 ang balor sang suspected shabu nga na-recover sa drug buy bust operation sa Barangay Simon Ledesma, Jaro kagab-i, Enero 29.
Ginkilala ang mga subjects kanday Ronnel Ledesma, iya asawa nga si Emily Rose Ledesma, kag iya mga pakaisa nga sanday Bryan kag Mark Louie Pabulayan
Nakuha sa mga subjects ang apat ka sachets sang suspected shabu nga ginabanta nagabug-at sang 80 grams.
Ginpabutyag ni Desamparados, Jaro Kagawad Arnel Ledesma, amay ni Ronnel nga wala siya sang ideya sa illegal nga ginahimo sang iya bata.
Dugang niya, wala man sang indi pamilyar nga mga tawo nga nagasulod sa ila lugar tungod indi niya ini luyag.
Suno kay Police Captain Gimel Acuesta, officer in charge sang Iloilo City Police Station 9, naglab-ot sa duha ka semana ang monitoring sa subjects tubtob nadakpan kag nakaagi man preso sa kaso may kaangtanan sa illegal nga druga.
Dugang ni Acuesta, nagaserbe runner sa pagbaligya sang illegal nga druga ni Ronnel ang duha niya ka mga pakaisa.
Gina-verify pa sang kapulisan kun diin nagahalin ang supply sang subject sang illegal nga druga. — Aksyon Maria Kayla Tingzon