Anay barangay tanod sa San Juan, Molo pilason sang gintiro; suspek arestado
ILOILO CITY — Pilason ang anay barangay tanod nga si Federico Flores sang natiruhan sa Zone 3, San Juan, Molo kagab-i, Enero 30.
Suno kay Police Capt. Ryan Christ Inot, hepe sang Molo Police Station, madugay na nga may daan nga hiligut-anon si Flores kag ang suspek nga si Chris Castro.
Lakip diri suno sa iya sang naglain ang buot sang suspek nga ginbuyayaw sang biktima ang iya iloy kag utod.
Tungod sini, ginkomprontar sang suspek ang biktima tubtob nagluntad ang pagpangtiro. Nakaagum sang pilas sa ilok kag tiyan ang biktima.
Nagpalagyo ang suspek pero gilayon man nadakpan sang kapulisan. — Aksyon Maria Kayla Tingzon