P1 million nga balor sang suspected shabu na-recover sa delivery truck driver sa Pavia

Nakuhaan sang P1,020,000 nga balor sang suspected shabu ang 44-anyos nga delivery truck driver sa drug buy bust operation sa Barangay Mali-ao, Pavia las-6:21 subong nga aga.

Suno kay Police Lieutenant Gabriel Manguera, deputy chief sang Pavia Municipal Police Station, gina-ulayhon sang subject nga si RJ, residente sang Ungka, Jaro ang pagbaligya sang illegal nga druga kun may yara siya sang delivery.

Sa duha ka semana nga monitoring sang kapulisan sa subject, nahibaluan nga sa Iloilo City nagahalin ang supply sang illegal nga druga nga iya ginabaligya.

Dugang ni Manguera, nakasugid ang subject nga nakaagi siya preso sa kaso may kaangtanan sa illegal nga druga nga ila naman gina-validate kun san-o.

Na-recover sa subject ang walo ka sachets kag duha ka dalagku nga pinutos sang suspected shabu nga ginabanta nagabug-at sang 150 grams. — Aksyon Maria Kayla Tingzon