Mag-asawa patay sang nakabunggo sa truck ang ila motorsiklo sa Jaro; 5 ka tuig nga apo nakaluwas sa aksidente
ILOILO CITY — Dead-on-arrival sa ospital ang mag-asawa sang nakabunggo ang ginasakyan nila nga motorsiklo sa delivery truck sa Brgy. Bitoon, Jaro sang Pebrero 1 sang hapon.
Suno sa Iloilo City Traffic Enforcement Unit, madasig ang pagpadalagan sang motorsiklo rason nga naglapaw sa linya kag nakabunggo sa kasugata nga delivery truck.
Papuli na sa Cubay, Jaro ang mag-asawa kaupod ang ila lima ka tuig nga apo nga lalaki sang natabo ang aksidente.
Sa imbestigasyon sang police, napiyungan ang driver sang motorsiklo rason nga nadulaan sa kontrol sa manibela.
Nakaagum sang minor injuries ang apo sang mag-asawa.
May settlement na sa tunga sang driver kag sang pamilya sang mga napatay. — Aksyon Paula Elambayo
