HeadlineLokal

Task Force Sunset Boulevard tukuron sang Iloilo City gov’t; Retired Col. Uldarico Garbanzos ginarekomendar nga mangin overall chairman sang task force

ILOILO CITY—Matukod sang Task Force Sunset Boulevard ang Iloilo City Government.

Ini ang nahisugtan sa ginhimo nga inter-departmental meeting sang mga department heads sa Iloilo City Hall sang Lunes, Pebrero 4.

Ang Task Force amo ang mapasiguro sang tanan nga aspeto sang Sunset Boulevard nga ginalakipan sang kalimpyo sang lugar, peace and order, traffic kag on-road parking, kag iban pa kadungan sang pagahimuon nga partial turnover sang proyekto sa city government halin sa DPWH 6.

Kahapon nag-upod sa inter-departmental meeting para sa Sunset Boulevard ang Traffic and Transportation Management Office (TTMO), Public Order and Safety Management Office (POSMO), City Environment and Natural Resources Office (CENRO), City Disaster Risk Reduction and Management Office (CDRRMO), City Social Welfare and Development Office (CSWDO), City Health Office (CHO), City Agriculture’s Office (CAO), Business Permits and Licensing Office (BPLO), kag Local Economic Development and Investment Promotion (LEDIP) Office.

Ginrekomendar sa inter-departmental meeting kahapon ang pagdesignar kay Ret. Col. Uldarico Garbanzos nga mangin overall chairman sa pagatukuron nga Task Force Sunset Boulevard.

Ginpabutyag ni Ret. Col. Garbanzos nga bisan siya ang ginrekomendar sang mga department heads nga mamuno sa task force, kinahanglan gihapon ang pagbuligay sang nagkalain-lain nga mga opisina agud mapabilin ang katahum sang lugar.

Si Garbanzos ang head subong sang Traffic and Transportation Management Office (TTMO) kag concurrent head man sang Public Order and Safety Management Office (POSMO). — Aksyon Marvin Malificiar

aksyonradyoiloilo

Aksyon Radyo Iloilo is the No. 1 station in both AM and FM bands in Iloilo based on April and September 2023 and June 2024 Kantar Media surveys.

Leave a Reply