Lalaki patay sang nakuryente sa center island sa atubang sang The Atrium
ILOILO CITY — Dead-on-arrival sa ospital ang lalaki nga nakit-an nga nagakayaon sa center island sa, atubang sang The Atrium sa General Luna Street mga las-6:21 kagab-i, Pebrero 6.
Ini ang ginkumpirmar ni PLt. Romulo Tabuyoc, officer-in-charge sang Police Station 1.
Ginkilala ang lalaki kay alyas Boy sang Brgy. Sinikway, Lapuz.
Suno kay Tabuyoc, matabok kuntani sa pihak nga dalan ang lalaki sang nakuryente tungod nakasab-it ang kamot sa alambre nga yara sa center island.
Ginkumpirmar sang taga-MORE Power nga live wire ang nauyatan sang lalaki rason nga nakuryente.
Nagpadulong na sa police station ang pamilya sang lalaki. — Aksyon Paula Elambayo
