Poste sang barangay sa Santa Barbara nga may CCTV cameras naghilay sang nabungguan sang delivery van
ILOILO — Naghilay ang poste sang barangay nga may natakod nga CCTV cameras sang nabungguan sang delivery van sa Brgy. Cabugao Sur, Sta. Barbara pasado las-6:21 subong nga gab-i.
Suno kay Barangay Kagawad Flaviano Matalobos Jr., may nagtawag sa iya kag nagpahibalo nga nagahilay ang poste sa national road.
Sang gin-review ang CCTV footage sa iban nga area, nakit-an ang delivery van nga pakadto sa direksyon sang Iloilo City.
Tungod sa madanlog ang dalan, posible nadulaan sang kontrol sa manibela ang driver rason nga nakabunggo sa poste.
Mapadulong sa police station ang barangay agud ipa-blotter ang natabo. — Aksyon Paula Elambayo
