P300,000 nga kwarta nataban sa driver sang fuel tanker nga nagreklamo gin-hold up sang 3 ka lalaki sa Pavia

ILOILO — Nataban sang tatlo ka lalaki ang P300,000 nga kwarta sa driver sang fuel tanker nga nagreklamo ginhold-up sa Brgy. Pandac, Pavia mga las-9:50 kagab-i, Pebrero 10.

Suno kay PLt. Gabriel Manguera, deputy chief of police sang Pavia Police station, halin sa Brgy. Balabag, Pavia ang fuel tanker kag papuli na sa garahe sang Metro Iloilo Transport Services Coooperative MITSCOOP) sa Brgy. Pandac.

May kwarta nga dala ang driver sang fuel tanker suno sa police.

Sa inisyal nga imbestigasyon, ginsundan sang awto ang tanker halin sa garahe sa Balabag. Sang nakalab-ut sa dalan sakop sang Pandac, nag-overtake ang awto kag ginbalabagan ang tanker.

Ginpahayag sang police nga may duha ka lalaki ang naghulat sa higad sang dalan. Sang nagbalabag ang awto, nagpanaug ang driver kag gintayaan sang pusil ang driver sang tanker.

May person of interest na ang Pavia police sa natabo pero padayon pa ini nga gina-imbestigaran. — Aksyon Paula Elambayo