6 ka “basag kotse” incidents sa Iloilo City na-record sang ICPO sang Enero

ILOILO–Anum ka mga “Basag Kotse” incidents ang na-record sang Iloilo City Police Office (ICPO) sa syudad.

Base sa report sang ICPO, na-record ang mga insidente sa mga masunod nga lugar:

*Enero 30 sa Guzman Jesena, Mandurriao

-nakuha ang P14,000 nga cash kag IDs

*Enero 31 sa Tabucan, Madurriao

-nakuha ang P2,000, assorted cards, kag IPAD

*Enero 31 sa Nabitasan, La Paz

*Enero 31 sa Mandurriao kag Jaro

Suno kay ICPO spokesperson Shella Mae Sangrines, kalabanan sang mga nagahimo sang krimen ang mga naka-agi na preso kag nagabalik lang sa ila ginahimo.

Sa subong, may mga person of interest na ang kapulisan sa may kahimuan sang amo nga krimen kag naga-coordinate na sila sa City Intelligence Unit (CIU).

Una na nga nagdeklarar si Iloilo City Mayor Jerry Treñas sang “war” on street crimes sa iya nga press conference subong nga aga tungod sa mga balita kag impormasyon nga nabaton sang alkalde sa nagadamo nga kaso sang pagpang-hold-up, snatching, kag basag-kotse syndicates sa siyudad. — Aksyon Farrah Mae Morano