Babaye nga gin-live sa Facebook ang paggamit sang illegal nga druga dakup sa buy bust operation sa Estancia

ILOILO — Nadakpan sang Iloilo Provincial Drug Enforcement Unit (PDEU) sa buy bust operation ang babaye nga nag-viral sang gin-live sa iya Facebook account ang paggamit sang illegal nga druga.

Ini ang ginkumpirmar ni Police Major Dadje Delima, head sang PDEU nga nagpanguna sa operasyon sa Zone 1, Poblacion, Estancia kaina sang hapon.

Suno kay Delima, sang 2024 nag-live sa Facebook ang babaye kaupod ang iya mga pakaisa samtang nagagamit sang shabu sa sulod sang ila balay. Indi na makita sa Facebook ang video.

Sang nakalab-ut sa police ang impormasyon, gin-monitor tubtob nga nadakpan si alyas Apple kag duha niya ka pakaisa sa drug buy bust operation.

Na-recover sa operasyon ang ginabanta 290 grams sang suspected shabu nga nagabalor sang P1.9 million. — Aksyon Paula Elambayo