11 ka balay nasunog sa Buntatala, Jaro

ILOILO CITY — Walo ka mga balay ang totally-damaged samtang tatlo ang partially-damaged sang nasunog sa relocation site Brgy. Buntatala, Jaro kahapon sang hapon, Pebrero 16.

Sa pagpangusisa sang Aksyon Radyo Iloilo, nagsugod ang kalayo sa pamilya Palomo kag naglaton sa mga kaiping nga balay.

Ginbatak sa 3rd alarm ang sunog.

Suno sa isa sa mga nasunugan, pasado las-9 kaina sang aga sang may napanimahuan nga sunog nga kuryente sa lugar pero wala nila na-report sa barangay tubtob nga natabo ang sunog.

Naglab-ut sa 28 ka pamilya ukon 89 ka mga indibidwal ang apektado sang sunog kag temporaryo nga matiner sa covered court sang barangay.

Sa datos sang barangay, may duha ka lalaki nga napilasan sang nagresponde sa sunog. — Aksyon Paula Elambayo