Solterito patay sang nakabunggo ang ginamaneho nga motorsiklo sa tricycle sa San Miguel, Iloilo
Patay ang 15-anyos nga solterito sang nakabunggo ang ginamaneho nga motorsiklo sa kasugata nga tricycle sa Brgy. 5 Santiago, San Miguel, Iloilo sang Pebrero 15 sang gab-i.
Suno kay PCapt. Zharra dela Rosa, officer-in-charge sang San Miguel Municipal Police Station, naglapaw sa linya ang motorsiklo rason nga nakabunggo sa kasugata nga tricycle sa kurbada nga porsyon sang dalan.
Gindala naman sa Aleosan District Hospital ang 27-anyos nga driver sang tricycle nga nakaagum sang minor injuries apang nakaguwa sa ospital.
May pasahero ang tricycle nga gindala man sa ospital kag padayon pa nga ginabulong.
Ginahibalo pa sang San Miguel police kun may dokumento ang motorsiklo nga ginamaneho sang solterito. — Aksyon Paula Elambayo
