Inaugural kag simultaneous distribution sang cash gift para sa mga senior citizens nga naga-edad 80, 85, 90, 95 kag 100 sa Pilipinas ginlunsar
ILOILO—Ginlunsar subong nga adlaw sa Miagao ang inaugural kag simultaneous distribution sang cash gift sa mga benepisyaryo sang Republic Act 11982 ukon Expanded Centenarian Act.
Ang RA 11982 nga nag-amend sa RA 10868 ukon Centenarians Act of 2016, nagalakip sa mga octogenarians nga naga-edad 80 kag 85, kag nonagenarians nga naga-edad 90 kag 95 nga makabaton sang cash gift halin sa gobyerno.
Sa amo nga laye, makabaton sang P10,000 nga cash gift halin sa gobyerno ang mga naga-edad 80, 85, 90, kag 95, samtang P100,000 naman ang mabaton sang nakalab-ut sa edad nga 100.
Napilian ang Miagao nga isa sa 16 ka distribution sites sa pungsod para sa inaugural distribution.
82 ka octogenarian kag nonagenarian halin sa premier distrito ang nakabaton sang P10,000 samtang isa ka centenarian ang nakabaton sang P100,000 nga taga-Igbaras.
Sa bilog nga siyudad kag probinsiya sang Iloilo, may 421 ka benepisyaryo sang Expanded Centenarian Act subong nga tuig.
Sa Pilipinas, may yara sang kapin 275,000 ka benepisyaryo nga may P2.9 billion nga pondo para sa subong nga tuig. — Aksyon Marvin Malificiar
