Pension house sa Jaro ginpasiraduhan tungod sa madamo nga violations

ILOILO CITY — Ginpasiraduhan sang Task Force on Morals and Values Formation (TFMVF) ang pension house nga nahamtang sa Brgy. San Isidro, Jaro subong nga hapon.

Ini tungod naga-operate ang pension house nga wala sang business permit kag iban pa nga dokumento nga paglapas sa ordinansa sang syudad.

Suno kay Mr. Nestor Canong, head sang TFMVF, may nabaton sila nga report halin sa mga pumuluyo nga may nagasulod nga mga estudyante nga naka-uniporme.

Magluwas diri, wala sang security guard nga na-deploy sa area kag health cards sang mga staff.

Samtang, nagpabutyag ang manager sang pension house nga asikasuhon ang mga dokumento agud gilayon makabalik sa pag-operate. — Aksyon Paula Elambayo