Iloilo gindeklarar nga kampeon sa Paragames sa 2025 WVRAA Meet
ANTIQUE — Nadepensahan sang Iloilo ang kampeonato sa Paragames sang Western Visayas Regional Athletics Association (WVRAA) Meet 2025 sa Antique.
Base sa medal tally sa Paragames, ang Iloilo nakakuha sang 44 ka gold, 21 ka silver, kag siyam ka bronze medals.
Nagpangaduha ang Negros Occidental nga may 17 ka gold, 17 ka silver, kag 13 ka bronze medals; nagpangatlo ang Aklan nga may lima ka gold, 13 ka silver, kag 13 ka bronze medals; nagpang-apat ang Antique nga may isa ka gold, isa ka silver, kag duha ka bronze medal; nagapanglima ang Capiz nga may walo ka silver, kag 19 ka bronze medals; nagpangulihot ang Guimaras nga may duha ka silver, kag isa ka bronze medal.
Ang Paragames nagatumod sa pila ka multi-sport events para sa mga differently abled nga mga atleta.
Sa subong, nagapadayon pa ang himampang sa Elementary kag Secondary Levels nga matakop buwas, Marso 7. — Source: DepEd Western Visayas
