Iloilo, Negros Occidental nagpangibabaw sa 2025 WVRAA Meet sa Antique

Natapos na ang tanan nga hampang sa Western Visayas Regional Athletic Association (WVRAA) Meet sa Antique kag natalana ang closing ceremony subong nga adlaw.

Gindeklarar nga kampeon sa elementary level ang Negros Occidental nga nakakuha sang 71 gold, 46 silver, kag 50 bronze medals sa final and official medal tally. Nagapangaduha ang Iloilo nga may 66 gold, 67 silver, kag 33 bronze medals.

Kampeon naman ang Iloilo sa secondary level kag paragames.

Sa secondary level, nakakuha ang Iloilo sang 114 tanan ka gold medal. Samtang sa paragames, nagdaug ang Iloilo sang 47 gold medals.

Ang mga nagkampeon sa tagsa ka hinampang ang magarepresentar sang Western Visayas sa Palarong Pambansa sa Ilocos Norte sa Mayo. — DepEd 6