Inn sa Sto. Niño Norte, Arevalo nga nagpasulod sang menor-de-edad sang Valentine’s Day ginpasiraduhan

ILOILO CITY — Ginserbihan sang closure order sang Iloilo City Government ang Inn sa Sto. Niño Norte, Arevalo kahapon, Marso 7.

Suno kay Mr. Nestor Canong, head sang Task Force on Morals and Values Formation, nag-violate ang management sa Regulation Ordinance No. 2015-447 nga naga-regulate sa operasyon sang mga lodging houses, Inns, drive-in motels kag kapareho nga establisyemento kag nagabawal nga magpasulod sang menor-de-edad.

Ginpabutyag ni Canong nga sang Pebrero 14 sang hapon, may na-rescue nga menor-de-edad sa Inn kag gin-turn over sa City Social Welfare and Development Office (CSWDO).

Ginpaathag ni Canong nga notice of closure kag revocation sang business permit ang ginserbe sa tagdumalahan sang establisyesemento. May yara sang pulo ka adlaw ang management nga mag-apelar sa City Government agud liwat maka-operate.

Matandaan ni Canong nga sang Pebrero 14 sang 2020, may na-rescue man nga menor-de-edad sa amo nga Inn. — Aksyon Farrah Mae Morano