[Warning: Disturbing content] “Boy Negro” sa Calinog nagkaon sang baga, habon, buhi nga lago antes nag-inom sang gasolina, kag ginsindihan ang kaugalingon
ILOILO — Sugod nga nag-uso ang vlogging, madamo ang naghimo sang content agud masapakan sa social media, ilabe na sa Facebook.
Sa Calinog, Iloilo, nangin pinasahe ang content sang ginbansagan nga si “Boy Negro” sa handom nga magdamo ang iya followers kag views sa Facebook.
Nag-viral si Boy Negro tungod nag-inom sang gasolina, ginpaligo, kag ginsindihan ang kaugalingon rason nga nakaagum sang madamo nga paso sa lawas. Yara siya subong sa ospital kag padayon nga ginabulong.
Pero antes ang ini nga content, may video si Boy Negro nga nagkaon sang detergent powder, habon nga labada, kag nag-inom sang bleach. May content man siya nga nagkaon sang baga, ginpalaman sa tinapay ang buhi nga lago, kag nag-inom man sang gasolina.
Dapat nga gamiton sang husto ang social media nga indi mabutang sa katalagman ang kaugalingon ukon maka-trigger sa mga social media users. Ang kasubong nga mga contents indi dapat pagpamarisan tungod makapalain ini sa ika-ayong lawas.
