Malapit P1.8 million nga balor sang illegal drugs na-recover sa high value individual sa Dumangas

ILOILO — Nadakpan ang ginakabig high-value individual (HVI) sa anti-drug operation sang Dumangas police sa Sitio Nalu-oyan, Brgy. Sapao, Dumangas las 8:50 kahapon sang aga.

Halos isa ka semana nga gin-monitor sang Dumangas Station Drug Enforcement Team si alyas “Vin-vin,” 39 anyos, engine mechanic halin Cavite kag temporaryo nga nagatiner sa Sitio Nalu-oyan, Brgy. Sapao.

Tungod man ini sa reports sang mga concerned citizens nga involved ang subject sa illegal drug activities. Nakumpiskar sa operation ang 260 grams sang suspected shabu kag may estimated street value nga P1,768,000.

Base sa imbestigasyon, halin sa Manila ang supply sang illegal drugs sang subject kag ginabaligya sa Dumangas. — Source: Aksyon Farrah Mae Morano