P2.7 million nga balor sang suspected shabu na-recover sa mag-live in partner sa Pavia
ILOILO — Naglab-ot sa P2.7 million nga balor sang suspected shabu ang na-recover sa drug buy bust operation sa Ungka I, Pavia sang Marso 13 sang aga.
Base sa report sang Iloilo Police Provincial Office, dakup ang mag-live in partner nga kanday alyas MJ kag Cy nga lunsay residente sang amo nga barangay.
Nakabaton sang impormasyon halin sa concerned citizen may kaangtanan sa illegal nga aktibidad sang duha ka gani ila gin-monitor sa sulod sang duha ka semana antes gin-operate.
Nagaguwa sa pag-validate sang police nga sa Iloilo City nagahalin ang supply sang illegal nga druga nga ginabaligya sang subjects nga ila naman gina-distribute sa nagkalain-lain nga lugar sa Pavia.
Nakuha sa mga subjects ang ginabanta 400grams sang suspected shabu nga may estimated value nga P2,720,000. — Aksyon Maria Kayla Tingzon
