1 patay, 2 pilason sang nakabunggo ang delivery van sa naga-park nga dump truck sa Ajuy

ILOILO — Dead-on-arrival sa ospital ang isa sa tatlo ka mga sakay sang delivery van sang nakabunggo sa naka-park nga dump truck sa Brgy. Pili, Ajuy pasado las-2:40 kaina sang hapon.

Ginkilala ang napatay kay June Selobrico samtang pilason kanday Jason Patano kag Ronelo Muyong.

Suno kay PCpt. John Michael Dalipe, officer-in-charge sang Ajuy Municipal Police Station, pakadto sa Balasan ang delivery van nga may unod nga frozen products na-aksidente.

Sa imbestigasyon sang police, napiyungan ang 24-anyos nga driver sang delivery van rason nga wala natalupangdan ang dump truck nga naka-park sa higad sang karsada.

Gindala sa Sara District Hospital ang duha ka mga pilason nga estable na ang kondisyon. — Aksyon Paula Elambayo