Clean-up drive himuon sang Brgy. Bakhaw, Mandurriao subong nga semana tungod sa pagdamo sang lamok sa ila lugar

Nagpasalig si Bakhaw, Mandurriao Punong Barangay Joel Alvarado nga bululigan nila ang pagpaninlo sa ila barangay tungod sa pagdamo sang lamok sa ila lugar.

Suno kay Councilor Alan Zaldivar, chairman sang Committee on Health sa City Council nakasugilanon sila ni Punong Barangay Alvarado kag nagpabutyag ang kapitan nga manghawan sila subong nga semana upod sa mga benepisyaryo sang DOLE TUPAD.

Sang Pebrero subong nga tuig nakapanglimpyo naman ang barangay apang liwat nga nagdabong ang mga water lilies sa creek nga ginatudlo sang mga residente nga ginapamugaran sang mga lamok.

Nagpasalig man si Zaldivar nga mapakig-angut sa General Services Office kag sa City Environment and Natural Resources Office agud makahulam sang backhoe kag dredging equipment sa pagpanghawan sa creek. – source Balita, Banat, Bulig