Driver sang motorsiklo patay sang nakabunggo sa Ceres bus sa Pototan

ILOILO — Patay ang 25-anyos nga driver sang motorsiklo sang nakabunggo sa Ceres bus sa Brgy. Rumbang, Pototan sang Marso 16.

Suno kay Police Captain Jersey Besas, hepe sang Pototan Municipal Police Station, pakadto sa direksyon sang Zarraga ang motorsiklo sang naglapaw sa linya kag nakabunggo sa nagasumalang nga Ceres bus.

May suksok nga helmet ang biktima pero nagtabog tungod sa impact suno sa police.

Wala sang may napilasan ukon naglain ang pamatyag sa mga pasahero sang Ceres bus suno sa police.

Wala sang plano ang pamilya sang biktima nga magpasaka sang kaso sa driver nga detained sa Pototan police station. — Aksyon Paula Elambayo