Esplanade nga sakop sang Dungon A, Jaro ginahimo nga park shot area, parking space

ILOILO CITY—Nakuhaan sang litrato sang concerned citizen ang naga-parking nga pribado nga salakyan sa esplanade nga sakup sang Dungon A, Jaro kahapon sang aga, Marso 17.

Nakalab-ot ini nga reklamo kay Iloilo City Mayor Jerry Treñas nga ginahimo nga “parkshot” ang lugar kun gab-i samtang ginahimo nga parking space kun adlaw.

Sa litrato nga kuha sang concerned citizen, makit-an nga may mga botelya pa sang makahulubog nga ilimnon malapit lang sa naka-parking nga salakyan.

Ginpakig-angut naman ini sang nagresponder nga team sang Traffic and Transportation Management Office (TTMO) sa barangay pero wala na naabtan ang naga-park nga salakyan sang nagresponde sa lugar.

Ginpabutyag sang alkalde nga ginapasiguro niya nga manabat ang may kahimuan sini.—Photo source: LpuKids Ibike and Ipaddle