Police nga assigned sa Maritime Unit sa Carles aksidente nga natiruhan ang kaugalingon
Aksidente nga natiruhan sang police nga assigned sa Special Operations Unit 4 sang PNP-Maritime ang iya kaugalingon St. Therese Village, Barangay Dayhagan, Carles mga kahapon sang aga, Marso 18.
Ginkilala ang police kay Patrolman EJ Boy Vio, taga-Dueñas.
Suno kay Police Major Sanny Boy Garnace, officer-in-charge sang Carles Municipal Police Station, nagalakat si Vio upod sa residente nga iya ginatudluan sa paggamit sang pusil kag pag-load sang bala sang aksidente niya nga natiruhan ang iya kaugalingon.
Pilas sa sag-ang ang naagum ni Vio nga padayon nga ginabulong sa West Visayas State University Medical Center.
Kagab-i sang nagpadulong sa lugar si Vio sa paghimo sang routinary monitoring sang ila subject persons kag pabalik na sa police station sang natabo ang insidente.
Na-recover sa lugar ang 9mm caliber pistol nga service firearm ni Vio. — Aksyon Maria Kayla Tingzon
