Comelec gin-reclassify ang Calinog sa “green” halin sa “red” category sa listahan sang election areas of concern para sa 2025 midterm elections

Ginbutang sa “green” category halin sa “red” category ang Calinog, Iloilo sang Commission on Elections para sa nagahilapit nga May 2025 elections.

Ang “green” category nagakahulugan nga wala sang security concerns sa nasambit nga lugar.

Sang Enero 2025, naga-isahanon ang Calinog, Iloilo nga banwa sa Western Visayas nga ginpaidalum sa “red category” sang Comelec.

Ang “red category” nagakahulugan sang intense political rivalries, kag may serious armed threats.

Samtang, lima ka kabanwahanan naman sa Iloilo Province ang ginpaidalim sa “orange category” nga ginalakipan sang Badiangan, Janiuay, Alimodian, Maasin, kag San Joaquin.

Ginbutang naman sa “yellow category” ang Ajuy, Lemery, kag San Dionisio.

Orange Category ang nagatumod sa areas of immediate concern; kag Yellow Category ang lugar kun area of concern. — source: Comelec