P1 million nga balor sang suspected shabu nakuha sa mag-utod sa buy bust operation sa Jaro
ILOILO CITY — Nakuha sa mag-utod ang masobra P1 million pesos nga balor sang suspected shabu sa drug buy bust operation sa Barangay Lanit, Jaro kahapon, Marso 19.
Ginkilala ang mga nadakpan sa mag-utod nga kanday Mary Jogie Aliño, 42-anyos kag Andy Aliño, 39-anyos. Gin-aresto man ang utod nila nga si Remely Aliño, 37-anyos tungod sa obstruction of justice.
Suno kay Police Captain Ryan Christ Inot, chief sang City Drug Enforcement Unit sang Iloilo City Police Office, nakaagi na dakup sang 2016 sa kaso may kaangtanan sa illegal nga druga si Mary Jogie kag nakaguwa sang 2020.
Ginpabutyag man ni Inot nga malagyo pa kuntani si Andy kag ginbalabagan ni Remely ang alagyan agud malagas sang police ang iya magulang.
Sa monitoring sang police, sa Bacolod City nagahalin ang supply sang illegal nga druga nga gina-distrubute sang mga subject sa bug-os nga siyudad sang Iloilo.
Na-recover sa mga subjects ang 15 ka sachets kag duha ka dalagko nga pinutos sang suspected shabu nga ginabanta nagabug-at sang 150 grams kag may estimated value nga P1,020,000. — Aksyon Maria Kayla Tingzon
