Fish vendor nasapwan patay nga may pilas sang pagkalabu sa Passi City

ILOILO — Patay sang nasapwan ang fish vendor sa Barangay Nueva Union, Passi City sang Marso 22.

May pilas sang pagkalabu sa wala nga parte sang liug kag wala nga kamot si alyas Nick sang amo man nga barangay.

Suno kay Police Lieutenant Colonel Benjo Clarite, hepe sang Passi City Police Station, posible nga ginkawatan ang biktima tungod naga-ululukay lang ang iya mga gamit kag sinsilyo nga kuwarta.

Ginpahayag ni Clarite nga posible natabu ang pagpanglabu sa sulod sang balay sang biktima tungod sa nakita nga tinulo sang dugo kag nakadalagan pa siya paguwa sa balay kag natumba.

Naga-isahanon lang ang biktima sa iya balay. — Source: Passi City police