3 ka DOLE TUPAD beneficiaries nakuhaan sang litrato nga nagapanapik sang campaign posters sa Lapuz Norte, Lapuz

Nakuhaan sang litrato ang tatlo ka mga benepisyaryo sang DOLE TUPAD program nga nagpangtapik sang mga campaign posters sang mga kandidato sa 2025 midterm elections sa Brgy. Lapuz Norte, Lapuz.

Nakasuksok sang uniporme sang DOLE TUPAD ang tatlo ka mga babaye.

Sa pagpangusisa sang Aksyon Radyo Iloilo, natabo ini sang Marso 21 pagkatapos trabaho sang tatlo, may nagsugo sa ila nga magpangtakod sang posters sang mga kandidato. Suno kay Alyas Bebe, isa sa mga beneficiaries, may nagsugo lang sa ila nga ipangtapik ang mga posters.

Nagpamalibad siya nga hingadlan kun sin-o ang nagsugo sa ila.

14 sila nga mga benepisyaryo ang nagpangtakod sang posters sa palibot sang Lapuz Norte pero tatlo lang sila ang nakuhaan sang litrato.

Gin-athag ni Bebe nga gina-require lang sila nga magtrabaho sa sulod sang tatlo ka oras sa idalom sang DOLE TUPAD program.

Pagkatapos nila trabaho natabo ang pagpangtapik sang posters.