Clean-up Drive vs Dengue kada Lunes ginmandu ni Iloilo Gov. Arthur Defensor, Jr.

Nagpaguwa sang executive order si Iloilo Gov. Arthur Defensor, Jr. nga nagamandu sa mga opisina sang gobyerno, workplaces, eskwelahan, business establishments, kag mga households nga maghiwat sang clean-up drive kada lunes, las-4 sa hapon agud mabatuan ang nagasaka nga kaso sang dengue.

Base sa executive order no. 29 series of 2025, pagatawgon ini nga “Limpyo Iloilo, Kada Lunes nga Lihok Kontra Lamok.”

Mahimo gamiton sang mga LGUs ang mga sirens sang mga government vehicles ukon mga lingganay sang simbahan bilang patimaan sang pag-umpisa sang aktibidad kada Lunes.

Pangunahan ang aktibidad sang City (component city) ukon Municipal Environment and Natural Resources Office (MENRO).

Base sa data sang Iloilo Provincial Health Office halin Enero 1 tubtob Marso 22 may 1,128 na ka kaso sang dengue sa probinsiya nga may pito ka mga napatay. – source Balita Halin sa Kapitolyo.