Klase sa tanan nga level sa City Proper suspendido subong nga adlaw

Suspendido ang klase sa tanan nga level sa pribado kag pampubliko nga eskwelahan sa City Proper sugod las-12 karon sa udto.

Base sa Executive Order No. 26, series of 2025, ni Iloilo City Mayor Jerry Treñas, ginrekomendar sang Public Order and Safety Management Office ukon POSMO ang suspension sang klase tungod ginapaabot nga linibo ang mga matambong sa event nga hiwaton sa City Proper.

Karon sa hapon, hiwaton ang kickoff sang campaign rally sang Team Uswag ni Mayor Jerry Treñas sa Iloilo Freedom Grandstand kag ginabanta sa 35,000 ang mga matambong..

May mga dalan nga pasiraduhan sa City Proper gani maapektuhan ang biyahe sang mga depasahero nga salakyan.

Indi luyag sang Iloilo City Government nga mahul-an ang mga estudyante.        

Nagpanugyan man ang siyudad sa mga eskwelahan nga maapektuhan nga mag-shift sa modular ukon online classes.