Iloilo City Mayor Jerry Treñas nagpalabtik sang sugilanon sa kickoff rally sang Team Uswag batok sa Team Sulong Gugma; former Mayor Mabilog may bwelta nga sabat
Nagpalabtik si Iloilo City Mayor Jerry Treñas sang sugilanon sa kickoff sang campaign rally sang Team Uswag sa Iloilo Freedom Grandstand kagab-i, Marso 28.
Sa iya mensahe, nagpahayag si Treñas nga mapahuway siya anay sa pulitika rason nga ginpadalagan kag gin-endorso ang iya bata nga si Raisa Treñas sa pagka-alkalde sa 2025 midterm elections.
Mabalik siya suno sa iya sa pulitika kon magbalik ang “protector” kag “financier”.Wala ginhingadlan sang alkalde kon sin-o ang iya ginatumod.
Madumduman nga sang 2017, nagpalagyo kag nagpanago sa abroad si former Mayor Jed Patrick Mabilog sang ginbansagan ni former President Rodrigo Duterte nga “drug protector..”
Sang 2024, nagbalik sa Pilipinas si Mabilog kag ginrason nga luyag niya matinluan ang iya ngalan nga gin-angut sa illegal nga druga.
Ang Team Sulong Gugma nga ginapangunahan ni incumbent Congresswoman Julienne Baronda ang ginasuportahan kag gina-endorso ni Mabilog.
SABAT NI MABILOG
Sa Facebook post naman ni Mabilog, ginpahayag niya nga may mga disagreements sa pulitika, pero ang matuod nga liderato suno sa iya ang ginatakos sa karakter imbes nga personal nga pag-atake.
Madumduman sa termino ni Mabilog halin 2016 tubtob 2019, ginbansagan ni Duterte ang Iloilo City nga “most shabulized city” sa Pilipinas kag gin-akusahan si Mabilog nga may koneksyon sa illegal drug trade.– Source: Team Uswag campaign rally/Jed Mabilog Facebook post
