Judging areas sa Dinagyang 2026 ginakonsiderar nga mangin duha na lang
ILOILO CITY — Ginakonsiderar nga mangin duha na lang ang judging areas sa Dinagyang Festival sa downtown area para sa masunod nga tuig.
Ini tungod ginaplano sang Iloilo Festivals Foundation Incorporated, (IFFI) nga hiwatan sang tribes competition ang Iloilo Sports Complex para ma-akomodar ang mas madamo pa nga tumalan-aw.
Suno kay Professor Eric Divinagracia, isa sa mga artistic directors sang Iloilo Dinagyang Festival, kon madayon ang plano, duha ka mga performance lang sa aga ang himuon sa downtown area kag liwat nga ma-perform ang mga tribu sa Iloilo Sports Complex pagkahapon.
Naplanuhan ini pagkatapos sang Dinagyang Festival subong nga tuig tungod na-obserbaran nga puno sang mga tumalan-aw ang mga judging areas sa downtown area.
Ginalantaw man nga maghagan-hagan ang pagpugok sang trapiko sa downtown area kon madayon ang plano.
Gin-athag naman ni Direk Elvert Bañares, isa man sa mga artistic directors sang Dinagyang nga indi pa final ang plano.
